港鐵提出以每程九七折優惠取代第二程九折優惠，並表示受惠人次將會大增。
理論上，呢個講法冇錯，因為不是每個人每日都會搭多過一程，所以好多本來冇優惠的會變成有優惠。
不過，對於每日剛好搭兩次的人來講，Sorry，優惠會少咗而唔係多咗。點解？假設本來每程10蚊，在第二程九折之下，總和就係10蚊加9蚊等如19蚊；但係變成每程九七折呢，總和就變成19蚊4毫。要點樣先抵？再搭多程除返勻？Sorry，計到第三程，仍然係29蚊比29.1，都係舊制抵⋯⋯
唔想咁樣，可以點樣？係做就做到每程九五折，咁樣本來淨係搭兩程的人就唔會少咗優惠，本來冇優惠的人又可有優惠，大家都開心。冇錯，到時港鐵股東會唔開心，不過港鐵大股東係香港政府囉⋯⋯小股東唔滿意咩？回購股份囉⋯⋯
沒有留言:
張貼留言